يسعدلي مساكم
مفضلاتي دي الفتره وسرت بستخدمها تقريبا بشكل يومي وحبيتها كتيرررر
وكمان ريفيو عنها
اول حاجه بودي لوشن من فازلين
المرطب دا فضيع يرطب بس مايدبق ويعطي نعومه للبشره وريحته جميله
مكتوب عليه يوحد لون البشره انا ماعندي مشكله مع لون البشره بس احيانا
تكون بشرتي جافه
حتى في الصيف وسرت بستخدمه يوميا وترطيبه عجبني كتيرررر وحرجع اشتريه
تاني
سعره 27 ريال
مرطب للبشره
انا استخدمه للوجه بعد مااغسل وجهي بالغسول وامسح بالتونر احطه ع
بشرتي
بسرعا البشره تمتصه وملمس الوجه يكون ناعم
ومو عطري يعني ناسبني كتير لانه بشرتي حساسه وماتتحمل المرطبات
المعطره
كمان لو بشرتك جافه استخدميه وسوي مساج عشان الترطيب يدخل البشره
ويرطبها بشكل كويس من غير مايدبق
حرجع اشتريه
سعره 77 ريال
كريم صانسليك للشعر
مكتوب عليه للشعر الجاف مع عناصر البيض وزيت اللوز
شعري نوعيته ( كيرلي ناعم ودهني من فروه الراس لكن اطراف الشعر جافه )
استخدمه بعد الشاور لمن اكون ماابغى اسوي استشوار او سيراميك يعطي لمعه للشعر ويرطب ترطيب متوسط يعني مو تقيل
ولا خفيف
للشعرهم جاف برضوا حيناسبهم , ريحته جميله
ممكن ارجع اشتريه بعد فتره لاني احوب اجرب منتجات تانيه حتى لو كان
عجبني
سعره 12 ريال
غسول ومقشر كلين اند كلير
اتكلم عن الغسول اول
ينظف بعمق ويطعي انتعاش للبشره فيه حبيبات ناعمه
عيبه الوحيد انه يجفف البشره ولازم ترطبي بشرتك كويس بعد استخدامه
بس استخدمه بعد لمن اشيل الميك اب لانه وقتها احتاج انظف وجهي كويس
عجبني تنظيفه بس ممكن ارجع اشتريه بعد فتره
لاني ابغا اجرب غسولات تانيه
سعره 22 ريال اخدته من اسواق المزرعه
المقشر
انا ماجربت مقشرات كتير بس دا المقشر حبيته
استخدمه مرتين بالاسبوع , يقشر بس مايجفف كتيرالبشره
تقشيره متوسط لا ناعم ولاعميق مرا
كمانه يعطي انتعاش حلو زي
الغسول , قبل ماااجربه كونت متردده
لانه بشرتي حسساسه ومو اي منتج يناسبني , بس حبيته لانه ناسب بشرتي
حرجع اشتريه وسعره 27 ريال برضوا اخدته مع الغسول
اخر حاجه البلشر من ريميل لندن تكلمت عنه في الانستغرام
بس يعجني لمن اعمل لوك عيون ترابي او لمن اكتفي بلون روج عودي غاامق
بدون ايشدو , يطلع حلو ع الخد
كمانه استخدمه ايشدو لانه مات من غير لمعه
يندمج بسرعاااا ويطلع يجننن .
لاحظت انه ع الجفن يثبت اكتر من ع الوجه
ع الوجه يجي 4 ساعات , بس ع الجفن يطول بلكن لاني استخدم برايمر
ع الجفن فا يظل فتره اطول
حبيته وحرجع اشتريه لاني سرت استخدمه بشكل يومي
سعره بلكن بالا ربعينات
دي تقريبن مفضلاتي
اشوفكم في بوست تاني
