عنايتي قبل العيد (الجسم , الوجه)

هلوو بنات كيفكم وكيف تجهزاتكم للعيد

انا عن نفسي ماخلصت لكن طفشت من خرجة السوق

طبعن انا بديت عنايه من قبل رمضان والحمدلله تحسنت بشرتي وشعري  كتير عن اول

وتكلمت في الانستغرام عن بشرتي وكيف عالجتها من الجفاف

بس دحينا باقي ازالة الشعرمن الجسم لاني مو عامله ليزر وكمانه التقشير الي اعمله زي الحمام المغربي تقريبن

قبل كول شي انا انسانه مااحوب الخلطات الكتيره , احوب الحاجات البسيطه الي تعطي نتيجه حلوه

من غير تعب . قبل العيد بيومين ابدا 

اول حاجه الشعر 

ادهن فروه راسي الين اخر الشعر بالزيت سواء الزيوت دي الموجوده او حمام زيت

ماجربت اخلط الزيوت لاني لاحظت نتيجه حلوه من غير خلطها

اخليه الزيت ع شعري مدة ساعتين  وازا بستخدم حمام زيت (فاتيكا) احطه ع شعري بعد مااغسل شعري بالشامبو

والفه بمنشفه مبلوله بمويه دافيه مده 20 دقيقه واغسل شعري 

طيب  دحين ابلش بالشاور

اول حاجه اغسل شعري بالشامبو وبعدها الكونديشنر والفه بتوكه واخليه 

نيجي للجسم 

اغسل جسمي بصابون (لايف بوي بلس , ديتول , بابايا )

اي نوع من دولا اغسل جسمي كامل

لاني راح اعمل تقشير فلازم يكون الجسم نظيف تمامن

انا افضل صابون قطع لانه ينظف افضل من الشاور جل بالزات منطقه الاندر ارم 

 دحينا راح استخدم للجسم كاب , ملح الحليب (انا احطه في علبه قزاز)

بعد مااغسل جسمي بالمويه  من الصابون الي استخدمته احط عليه (كريم كاب)

واخليه مده 10 دقايق 

فدا الوقت احط سكراب في وجهي ورقبتي  واعمل مساج خفيف

واغسله واستخدم ماسك (الوجه والرقبه) واخليه 

دحين انتظر كم دقيقه وبعدها اغسل جسمي بالمويه (نسيت اقولكم المويه لازم تكون سخنه )

اغسله كويس من مقشر كاب وبعدها امسح جسمي بمنشفه

ليش ؟؟؟

عشان لمن اقشر باالليفه يتقشر بسرعا عكس لمن يكون فيه مويه مايتقشر بسرعا 

بعد مااقشر بدي الليفه  كول جسمي اغسله بالمويه واحط ملح الحليب

واخليه 3 دقايق وافركه بنعومه واغسل بالمويه .

اكمل باقي الشاور ( اغسل شعري من الكونديشنر , اغسل وجهي ورقبتي من الماسك)

اخر حاجه اغسل شعري وجسمي بمويه بارده

ليش؟ ؟

عشان نقفل المسامات وماتطلع لنا حبوب 

وبعدها ارطب بس الاماكن الي ماحشيل منها الشعر

استخدم دولا التنين اخلطهم بيدي واستخدمهم لانه ترطيبهم عميق

بعد لمن انشف شعري والبس وكدا 

اجيب الحلاوه واشيل الشعر , دي افضل نوع جربته يشيل من غير مايجفف

لانه في زيت زيتون , بعد مااشيل الحلاوه ابخ ماء ورد عشان

اقفل المسامات , واخليه لمن ينشف واغسل بالمويه وارطب بشويه فازلين 

انا دي طريقتي مو بس في فتره العيد تقريبن كول اعملها 

ومرتاحه عليها كتير وفعلن لمن اقشر وجسمي ناشف اشويه 

تطلع قشور من الجسم زي اللحمام المغربي 

اتمنى تكونوا استفدتوا ..

وكول سنة وانتوا طيبين حبايبي 

مجموعة مرطبات استخدمتها , a total moisturizers used

مرحبا صبايا 

بما ان دا  اول بوست ليا حبيت اني اتكلم  عن مجموعه مرطبات جربتها وعجبتني  في دي الفترة

Hello ladies

this is the first Post and i choose to speake  about moisturizers used and liked

بودي لوشن من فازلين

ريحته مو سيئه  لكن ترطيبه  خفيف مرا ومناسب للصيف والجو الحاروالرطوبه

استخدمه  في ترطيب الجسم كله بعد الشاوروبسرعا يمتصه الجلد ولا يدبق  وتقريبن سعره 22 ريال

Body Lotion from Vaseline

Smell is not bad, but very light moisturizing and suitable for the summer Used in moisturizing body after taking the shower and full

  price almost SR 22

,

 

زبدة الجسم من بالمرز

احب استخدمها  للاماكن الجافه في الجسم بعد الشاور  لانه ترطيبها اعمق من اللوشن  فازلين

و يكون الجسم شويه رطب تمتصه بسرعا ولا تضايق وتدبق بالملابس 

عكس انواع تانيه جربتها وحسيت انه دبقت في ملابسي 

وكمانه لاحظت مع الاستمرار توحد لون البشره

سعره 45 ريال

Body butter from Palmers

Use it to dry places in the body after taking the shower because he wet the deepest of lotion from Vaseline

And do not cause me any tight unlike other  moisturizing and also Unify skin color
Price of 45 riyals

,

   

زبدة الكاكاو من بالمرز

زي اللوشن تمامن , لكن ترطيبه عميق وريحته جميله

كمانه استخدمه قبل النوم  وانصح مرا فيه  لانه يعالج الجفاف

ممكن لو جسمك جاف تدهني فيه الجسم كامل وكمانا بعد تقشير الجسم 

مكتوب عليه انه يساوي لون البشره وبصراحه مالاحظت دا الشي 

سعره 30 ريال

Of Palmers Cocoa Butter
Such as lotions fully, but deep moisturizing and smell nice
Also used it before going to sleep and I would recommend him because he treats drought
Price of 30 riyals

 

,

كريم نيفيا

 مكتوب عليه انه مناسب للوجه والجسم واليدين

عن نفسي افضل استخدمه الصباح ارطب فيه يدي

ويرطب تمام ومتحتاجي ترجعي ترطبي تاني 

وكمانه مو عطري 

سعره 12 ريال

Nivea cream

Is suitable for facial skin, body and hands
But the best use of the hands in the morning when I go out
And moisturizes well
Price of 12 riyals

 ,

لوشن من ذا باث اند بودي وركس

اعشق لوشنات باث اند بودي وركس كترطيب وكريحه حلوه وكتعليب كمانه 

بس ارطب فيها يدي بالليل لانه عطري وحجمه مناسب للشنطه 

وفي منه انواع كتيره 

وسعره 25 ريال

The lotion from Bath & Body Works

Moisturizing light and slightly perfumed
 love to use at night and a small size and is suitable for bag
The price of 25 riyals

,

 

زبدة شفايف من لابيلو

   

لاحظت بنات ماعجبهم مع انه ترطيبه حلو , بالزات بعد التقشير الشفايف

وكمان قبل النوم , بس فكره تعليبه ابدن مو حلوه لانه بصعوبه يفتح معايا 

سعره 13 ريال

Butter Lips


Moisturize the lips and deep, but I prefer to use it after peeling lips
And before going to sleep
Price of 13 riyals

دولا افضل مرطبات للجسم والشفايف 

حاليا استخدمهم ونتايجهم كويسه بس اكيد حجرب منتجات غيرهم واسويلكم ريفيو تاني عنهم 

اتمنى يعجبكم  البوست 

مع حبي 

هنادي 

This total body moisturizers and lip

I hope that you like the Post

With Love

hanady