cc Loose powder from mac

يسعد مسآكم ....~

من زمآن عن المدونه , إنشغلت أشويه في دراستي ووظفيتي , عشان كدا مافي اي تفاعل في الآنستا ولا في المدونه

اليوم حبيت اتكلم واعطيكم ريفيو عن أجمل بودره جربتها وفعلن تعطي نتيجه روعه وثابته لفتره نقدر نقول 6 ساعات من غير أي

 تغير , المنتج هذا من ماك سمعت عنه مدح من بعض البلوقر ع الانستا وقولت خليني اجربه وفي كم منتج من ماك جربته وعجبني ,

 

بودره ماك اللوس باودره  (البودره السائبه) يعني تيجي منثورة , تثبتلك الكونسيلر والفاونديشن من غير ماتعطي طبقه ثقيله

وكمانا مناسبه كتير للبنات او الامهات الي عندهم خطوط تحت العين او حولين الفم لانها تيجي خفيفه فا ماتدخل داخل الخطوط

وكمانا ماتخلي الكونسيلر يخطط تحت العين

هنآ ~ زي ما أنتوا شايفين لها أربع ألوآن , كل لون يناسب أندرتون أو لون بشره معين

أنا أخترت اللون الآصفر ومااعطاني لون أصفر لبشرتي لآء بالعكس صار لون بشرتي لون واحد وكمانا مناسبه

للبنات الي زيي عندهم هالات تحت العين لانها تساعد ع ثبات الكوركتر والكونسيلر , لي أكثر من شهرين

بستخدمها ولسا باقي فيها كميه , لانه كميتها كبيره رغم انه العلبه مرا شكلها صغير

دي شكلها من جوى , أنصح فيها لكل وحده حابه تستخدم باودر يعطي تغطيه وبنفس الوقت لوك طبيعي , مناسبه لجميع أنواع البشره

أنا بشرتي مختلطه حاليا والتي وزن يدهن عندي دايمن فا قبل المكياج احط برايمر لتعبئه الخطوط ولي اغلاق المسامات

البودرة متوفره في محلات ماك سعرها 143  ...

دمتم بحب~



extraordinary facial oil L'oreal

extraordinary facial oil L'oreal

Hello my beauty , I will speak about this oil from L'oreal

I was hesitant to buy it or not, but now I try it and if it does not suit me to leave the winter

my skin is combination nose , chin and forhead oliy , cheek normal , i do need a heavy moisturizing 

but when i try it i like it , wet leaves no greasy effect on the skin It gives softness and freshness and makes the skin velvet .

The oil it contains a collection oils ( Lavender, rose oil, marjoram, Roman chamomile, rosemary, orange peel, oil Alavndn, Geranium  , I noticed that he softens expressive lines and dark circle

i use it under my eyes also and my face twice a day and smell so good

How can i use it

i use it in the morning and the night after wash my face , i take it four drops of its enough for the face and 

under the eye and also the neck i put it my skin and do massag , Leave five minutes and do makeup 

at night , use a moisturizer after 

for dray skin 

maybe can use but such as serum , because he alone is not enough to moisturize dry skin

for oily skin 

Also suitable for oily skin because it relieves increase oils

 i take it from supermarket  80 sr 

 زيت لوريال للوجه 

مرحبا ياحلوات راح اتكلم اليوم عن تجربتي لدا الزيت من لوريال , كنت متردده اشتريه ولا لاء , لكن شفت مدح يوتيوبرز وبلوقرز عنه كثير فتحمست واخدته قولت بجربه اذا ماناسبني بخليه للشتاء لانه في الشتاء نحتاج لترطيب اثقل من الصيف 

بشرتي مختلطه التي زون عندي دهني وباقي البشره عادي , استخدمته وحبيت دا الزيت كثير, ميزته مايخلي البشره تدهن بزياده ولايخلي اثر للزيت بسرعه تمتصه البشره ويعطي نعومه ونضاره للبشره ويخليها مخمليه 

الزيت دا يحتوي على مجموعه زيوت ( زيت الورد , اللافندر, قشر البرتقال , البردقوش , الجيرانيوم , إكليل الجبل , البابونج الروماني , زيت الافندي ) يخفف من الخطوط التعبيريه (مو التجاعيد) ويخفف من الهلات تحت العين 

استخدمه تحت العين والوجه والرقبه مرتين باليوم وريحته جميله مو قويه وتختفي بعد مااحطه على الوجه 

كيف استخدمه ؟ 

استخدمه الصباح وبالليل بعد مااغسل وجهي بالغسول , استخدم اربع قطرات منه تكفي 

للوجه وتحت العين وعلى الرقبه كمان واعمل مساج خفيف في توزيعه وبعدها اسيبه خمس دقايق وابدأ اعمل ميكب عادي 

وبالليل بعد مااستخدمه احط بعده مرطب 

للبشره الجافه 

البشرات الجافه يفضل يستخدمونه كسيروم قبل الكريم المرطب لانه استخدامه لوحده ماحيعطي الترطيب الي تحتاجه البشره 

للبشره الدهنيه 

يناسب البشره الدهنيه لانه راح يخفف من الدهون بشكل ملحوظ

اخدته من السوبر ماركت سعره 80 ريال

  

  

منتجات جربتها في شهر مايو

مرحبا 

مدونه اليوم راح اتكلم عن منتجات كنت بستخدمها خلال شهر مايو 

في منها حبيتها وراح رجع اشتري منها وفي منها حبيتها لكن كمانا حابه اجرب شي تاني 

حبلش بالميك اب 

ماسكارا من برجوا (الجديده)

 

اخدت ضجه كبيره لمن نزلت انها واااااو وحلوه وتطول وتكثف واتنين في واحد وفيها فرشتين 

وسوادها جميل ... طيب نيجي لرائي 

اول حاجه تكثف وسوادها حلوو وتقوس الرموش تخليها مقوسه  ومرفوعه 

وتوسع العين وفرشتها جميله بالزات الي تكثف فرشتها صغيره وحلووه 

لكن تطول لاء , تنمسح بسرعه وقت ازاله الميك اب لاء 

يعني لو تبغي شي يطول الرموش ماتديكي داك الطول الي يكون واضح وكمانا تتكتل 

لمن تحطي اكتر من طبقه وتنشف بسرعا , حبيتها انه تقوس الرموش وتكبر العين هذا اكتر شي عجبني فيها 

سعرها اخدتها بالتخفيض 66 ريال لكن سعرها اصلن 83 ريال من سنتربوينت 

 ماراح ارجع اشتريها تاني لاني حابه اجرب ماسكارات تانيه من براند تاني 

ماسكارا من ريميل للحواجب 

في منها لونين شفافه ولون بني غامق , حواجبي لونها اسود فحبيت اخود الشفافه لاني مااحتاج غير تثبيت 

ثباتها بصراحه مو مرا يعني لمن احطها على حواجبي من الساعه 7 ونص الصباح الين ماارجع 5 المساء 

يخف الشدو الي حاطته في حواجبي , يعني احس كأني ماحطيت شي يثب الحواجب 

كمانا لو كترتي منها تسير حواجبك قاسيه وتحسي انه شعر حواجبك يابس 

مازلت استخدمها عشان اخلصها وكمان بعد مااستخدمها امسح الفرشه من اثر الشدو

سعرها 20 ريال من سنتربوينت 

ماراح ارجع اشتريها تاني لانه ماحبيتها كتير 

روج من ريفلون 

اخدته عشان لونه فاقع وحلو للصيف , مات مافي اي ترطيب ولا لمعه 

لكن مات ماينشف الشفايف ابدن فدا الشي حبيته فيه 

لمن تحطيه ع الشفايف تكون ريحته فيكس وبعدها يديكي لسعه خفيفه 

بعد خمس دقايق تحسيه انه خفت اللسعه اشويه وينشف ع الشفايف 

ثباته ممتاز يعني اكل واشرب الاحظ انه خف اشويه شي بسيط 

حرجع اشتري منه كذا لون لانه تركيبته عجبتني واللون يطلع حلو ع الشفايف وحتى مايحتااج لي محدد شفايف 

سعره 51 من سنتربوينت 

منتجات للبشره

واقي الشمس من نيتروجينا 

نسبه الحمايه 50% ودي النسبه الي تحتاجها بشرتي لانها حساسه 

مو ترطيب اكتر من انه واقي الشمس , يعني لازم ترطبي بشرتك قبل استخدامه 

تحسي بشويه حرقان لمن تستخدميه (للبشرات الحساسه) لكن للبشرات العاديه لاء

لمن تكثري منها مايخلي البشره بيضاء , عكس باقي انواع واقي الشمس 

يناسب كل الوان البشره لانه لمن ينحط ع الوجه كانك تستخدمي كريم عادي 

سعره 55 ريال من الصيدليه , ماراح ارجع اشتريه تاني لانه ابغا اجرب انواع تانيه 

كريم مرطب للجسم من هاملايا

ترطيبه جميييل للصيف وخفيف ع البشره وريحته حلوه وتخف ع طول 

احوب استخدمه قبل النوم لاني مااحوب انام وفي يدي كريمات ثقيله 

يفتح لون البشره لاء , حسيت انه بس كترطيب مو اكثر 

ويناسب البنات الي يحبوا الترطيب الخفيف 

سعره اظن 10 ريال من السوبرماركت 

 ممكن ارجع اشتري منه 

منتجين استخدمهم كل يوم الصباح للشاور 

شاور جل ديتول 

ينظف الجسم لكن مايجفف البشره ويعطي انتعاش بالزات لمن ارجع من الدوام مع الحر 

واحيانا استخدمه بعد سكراب القهوه لانه ينظف اثار السكراب من الجسم 

حبيته دي الفتره وحرجع اشتريه وسعره18 ريال 

بلسم للجسم من نيفيا 

له طريقتين بالاستخدام اما تحطيه ع جسمك وتخليه دقيقتن تلاته وتشطفي

او تحطيه ع جسمك وتدلكي وتاخدي وقتك وبعدها تشطفي 

انا الصباح عشان الدوام اسوي الطريقه الاولي , عشان بعدها ارطب جسمي بمرطب خفيف وسريع سريع 

ولمن اكون في البيت استخدم الطريقه الثانيه عشان بعدها يكون في وقت وارطب جسمي بزيت وكريم ترطيب

مو مرا يرطب لكن يسهل عليكي توزيع الكريم في الجسم لانه يديكي ترطيب بسيط جدن 

ريحته مو ثابته للجسم , ممكن تستغني عن المرطب بعده انا بالنسبه لي لاء لازم مرطب بعده 

حرجع اشتريه ممكن بس بجرب الانواع التانيه وسعره 10 ريال اخدته بالخصم من السوبر ماركت 

للشعر 

زيت للشعر من فاتيكا (باللوز) 

نوع شعري كيرلي ناعم فروه الراس دهنيه واطراف الشعر جافه 

قبل فتره كان شعري جاف بزياده واطراف الشعر متقصفه 

وكان يبين بالتسريحات مرا كان تعبان شعري واول شي سويته قصيت الاطراف عشان اشيل التقصف, استخدمته قبل الشاور وخليه ساعه ع شعري 

لاني مااحوب الزيت يظل فتره طويله , من اول مرا لاحظت انه خف الجفاف واستمريت عليه 

شهري مايو كامل وفعلن الجفاف راح من شعري والتقصف كمان راح 

رطب شعري وبنفس الوقت عالجه , ريحته مو مزعجه ابدن وتقيل يعني لازم تستخدميه بحرص 

طريقتي اني احطه ع يدي وابدء افرك الفروه بطريقه ناعمه واعمل مساج خفيف واحط كمان ع اطراف الشعر 

وارفعه واخليه ساعه وبعدها اغسل شعري مرتين بالشامبو وبعدها احط ماسك فاتيكا بالثوم واخليه 3 دقايق واغسله 

تكون المويه لابارد ولا حاره وسط , ويفضل تكون مايله اشويه للبروده عشان ماتفتح مسامات الشعر 

رائي فيه جممميل وحبيته لانه فادني كتيررر وتكلمت من قبل عن الي بالصبار لكن دا عالج شعري اكتر 

حرجع اشتريه وكمان حجرب الي بالجوز الهند وسعره 13 ريال من السوبر ماركت 

دي منتجات جربتها دا الشهر ورائي فيها 

دمتم بوود 

البشره الحساسة والعنايه بها (الوجه)

السلام عليكم 

راح اتكلم عن البشرة الحساسة (الوجه) , كيف نهتم فيها , كيف نتفادى حدوث الهيجان واذا صار فيه هيجان كيف نخفف منه 

اول حاجه بشرتي حساسه فعشان كدا كتبت الموضوع دا لانه من خبرتي ومن المستحضرات العنايه بالبشره الكثيره الي جربتها

اقدر افيدكم , كمان نوعيه بشرتي مختلطه حساسه ... 

كيف نعرف انه بشرتنا حساسه , يكون في احمرار من عند الانف الين نصف الخد وع الذقن والجبهه يكون احمرار خفيف

لكن مبين واضح عند الانف ونصف الخد , لمن نستعمل اي مستحضر سواء غسول ولا مقشر وكريم ويكون معطر وتهيج  البشره وتحسي بحرقان هنا تعرفي انه بشرتك حساسه ولازم مستحضراتك تكون طبيه خاليه من العطور ... 

كيف نهتم ببشرتنا الحساسه 

اول حاجه الغسول ( لازم طبي وخالي من العطور ) وهنا حطيت لكم كذا مثال قد جربتهم من قبل وناسبوني 

كمان ممكن هالغسولات ماتسخدموهم بشكل يومي لانه تنظيفهم مايكون عميق لكن يفضل استخدامهم من  فتره لفتره او لمن يصير في  هيجان البشره او لمن يكون الاحمرار بزياده عن العاده ...

تاني حاجه التونر ( التونر مهم جدا لكن لاتستخدموه بعد الغسول يفضل استخدامه بدل غسول عشان مايصير اي هيجان للبشره , الافضل استخدام تونر بعد الغسول( يكون ماء ورد لانه طبيعي ومافيه مواد حافظه ويسكر المسامات ويمنع الشعور بأي هيجان) ...

الكريم المرطب ( لآزم يكون خالي من العطور شي جدا مهم وينحط بطريقه طبطبه لانه وضع الكريم بقوه ع البشره وبطريقه المسح البشره راح تحمر بزياده , فيفضل وضع الكريم بطريقه طبطبه وعمل مساج خفيف جدا للبشره 

مزيلات المكياج ( ممكن استخدام المناديل المخصصه لي ازاله المكياج للبشره الحساسه لكن مسح المكياج بكل هدوء , يعني لاتتحمسوا وانتوا تشيلوا المكياج لانه ممكن يحصل هيجان للبشره والشي دا صعب انه يخف بسهوله , كمان منطقه العيون يفضل استخدام مزيل طبي او ممكن يكون فيه نسبه زيت ومزيل بحيث انه ماينشف المنطقه ومايحرقها (منطقه تحت العين)

المقشرات ( لمن نغسل بشرتنا قبل المقشر بمويه مايله للدفئ اشويه ماتكون تلسع , وبعدها نستخدم المقشر بحركات دائريه ناعمه ومانقشر بقوه عشان مانؤذي البشره , بعدها نغسل بمويه بارده عشان نقفل المسام وفي انواع مقشرات مخصصه للبشره الحساسه وتكون ناعمه بحيث انها تفيد من غير ماتضر ....

الماسك ( يفضل الماسكات الطبيعيه زي العسل , الزبادي , الافكادو , او ممكن الماسكات الجاهزه الطبيه تحصلوها بالصيدليات )

الفرش لتنظيف الوجه ( في فرش مخصصه للبشره الحساسه زي كلارسونك وكلينك اما بالنسبه للفرش زي ذا بودي شوب وغيرها فيفضل استخدمها برفق على البشره بحيث انه بس تطلع اثار الفاونديشن و لاتستخدم يوميا)...

بخاخ افين للبشره الحساسه 

استخدمه لمن بشرتي تهيج بعد استخدام الغسول وبعد مسح الوجه من المكياج لانه يخفف الهيجان بشكل ملحوظ , كمان بعد الرياضه البشره يتغير لونها للون الاحمر وقتها اغسل بشرتي بمويه مايله للبروده وامسحها بمنشفه نظيفه بحركات طبطبه خفيفه وابخ بخاخ افين 

واقي الشمس 

اهم شي للبشره الحساسه ولازم تكون نسبه وقايه من الشمس 50 لانه البشره معرضه لي اشعه الشمس الحاره فا ممكن تعمل احمرار وحرقان في البشره فا واقي الشمس راح يحمي البشره من اي تحسس

 المكياج 

حتكلم عن الاساس والبيبي كريم   يفضل يكون طبي لانه في انواع يكون فيها نسبة عطور , فلمن تختاري اختاري نوع طبي  ... 

اشياء تبتعدي عنها 

الليمون ممكن يسبب حرقان للبشره , كريمات معطره زي الي موجوده في السوبر ماركت , غسولات معطره , مقشرات الطبيعيه الي فيها سكر او ملح

اشياء راح تفيدك 

شرب المويه بكثره لانه راح يرطب البشره ويمنع اي حبوب او اثار احمرار وممكن المويه مع الليمون مفيده كتير وراح تلاحظوا فرق , غسل الوجه بمويه شرب لانها تكون خاليه من اي املاح تضر البشره .....

ودمتم بوود